ഒരു വിദേശ രാജ്യത്തിലേക്ക് എത്തുന്ന ഏതൊരു സഞ്ചാരിയും ആഗ്രഹിക്കുന്നത് താൻ വന്നെത്തിയിരിക്കുന്ന രാജ്യത്തിന്റെ യഥാർത്ഥ സംസ്ക്കാരവും തനതായ ജീവിതരീതിയും കണ്ടറിയുക എന്നതാണ്. ആ രാജ്യത്തിൻറെ പൈതൃക സമ്പത്തുകളും , ചരിത്ര പ്രദേശങ്ങളും പിന്നെ കുറെ സ്ഥിരം ടൂറിസ്റ്റ് കേന്ദ്രങ്ങളും ഒരു സഞ്ചാരിയെ തൃപ്തിപ്പെടുത്തുകയില്ല. ആ നാട്ടിലെ സാധാരണക്കാരുടെ ഇടയിലൂടെ സഞ്ചരിച്ചു അവർ കഴിക്കുന്ന ആഹാരങ്ങൾ കഴിച്ചു അവരുടെ നിത്യ ജീവിതത്തിന്റെ ഭാഗമായ പ്രദേശങ്ങളിലൂടെ അലഞ്ഞു നടന്നു അവരെയും അത് വഴി ആ നാടിനെയും അറിയുമ്പോൾ മാത്രമാണ് ഒരു യഥാർത്ഥ സഞ്ചാരി തൃപ്‌തനാകുന്നത്. ഇതേ കാരണങ്ങൾ തന്നെ ആണ് ഒരു ടൂറിസ്റ്റിനെയും, ട്രാവലറിനെയും വ്യത്യസ്തനാക്കുന്നതും.ധാരാളം സവിശേഷതകൾ  നിറഞ്ഞതും വ്യത്യസ്തമാർന്ന ജീവിതരീതികൾ കൊണ്ടും ലോകശ്രദ്ധ പിടിച്ചു പറ്റിയ ഭൂട്ടാൻ എന്ന കൊച്ചു രാജ്യത്തിലേക്ക് യാത്ര ചെയ്യുമ്പോൾ  എന്നിലെ സഞ്ചാരിയും ആഗ്രഹിച്ചത് ഇതേ കാര്യങ്ങൾ തന്നെ.

Bhutan: The Land of Dragon

അൽപ്പം പേടിപ്പെടുത്തുന്ന രൂപം ഉള്ള ഡ്രാഗണുകളുടെ ഈ നാട് പക്ഷെ ലോകത്തിലെ ഏറ്റവും സമാധാനപരവും, ജീവിത നിലവാരം വളരെ ഉയർന്നതും ആയ രാജ്യം ആണ്.  പണത്തിനും അത്യാഢംബര ജീവിതത്തിനും ആയി നെട്ടോട്ടമോടുന്ന മറ്റു രാജ്യങ്ങൾക്കിടയിൽ ലോക ജനതയ്ക്ക്  Gross National Happiness  എന്ന വ്യത്യസ്തമായ ആശയം തങ്ങളുടെ ജനതയിൽ  നടപ്പിലാക്കി വിജയിപ്പിച്ചു കാണിച്ചു കൊടുത്തവർ ആണ് ഭൂട്ടാനി ജനത.. ട്രാഫിക് ലൈറ്റുകൾ ഇല്ലാത്ത പുകയിലയും ,കീടനാശിനിയും പേരിനു നിയമം മൂലം നിരോധിച്ചു പിൻ വാതിലൂടെ രാഷ്ട്രീയക്കാരുടെ ഒത്താശയോടെ മാഫിയകളെ വളർത്താതെ,  കർശനമായി ഇവ രാജ്യത്തിനകത്തു കയറ്റാതെ നില കൊള്ളുന്ന ഭൂട്ടാൻ വികസിത രാജ്യങ്ങൾക്കു പോലും അത്ഭുതമാണ്.

Bhutan’s life expectancy is 100 plus?

തങ്ങളുടെ ജനതയുടെ സന്തോഷവും , ആരോഗ്യവും , നിലവാരമുള്ള ജീവിത രീതിയും മാത്രമാണ് ഈ രാജ്യത്തിന്റെ ലക്‌ഷ്യം. അതുകൊണ്ടു തന്നെ ഈ കാര്യങ്ങൾക്കു എന്തെങ്കിലും  തകർച്ച  ഉണ്ടാകാൻ ഭൂട്ടാൻ ഗവണ്മെന്റും ജനങ്ങളും ആഗ്രഹിക്കുന്നതും ഇല്ല. തങ്ങൾ മാത്രം പരിസ്ഥിക്കു പ്രാധാന്യം കൊടുത്തിട്ടു കാര്യമില്ല അയാൾ രാജ്യങ്ങൾ ആയ ഇന്ത്യയിലെയും , ചൈനയിലെയും , നേപ്പാളിലെയും അന്തരീഷ മലിനീകരണം തങ്ങളുടെ നാടിനു ദോഷമാണ് എന്ന് മനസിലാക്കിയ ഭൂട്ടാന്റെ മുൻ തലമുറ വളരെ മുന്നേ തന്നെ മനസിലാക്കി രാജ്യത്തിന് ചുറ്റും വളരെ വിസൃതിയിൽ വനം തന്നെ സൃഷ്ട്ടിച്ചു. ജൈവവളം മാത്രം ഉപയോഗിച്ചു കീടനാശിനികൾ ഉപയോഗിക്കാതെ ഉള്ള കൃഷി , ശുദ്ധമായ വായു ഇവയൊക്കെ ആണ് ഭൂട്ടാനി ജനതയുടെ ശരാശരി ആയുസ്സ്  80 വരെ എത്തിച്ചിരിക്കുന്നത്. ഭൂട്ടാനിലെ ഉൾ ഗ്രാമ പ്രദേശങ്ങളിലൂടെ സഞ്ചരിക്കുമ്പോൾ 100 വയസിനു മുകളിൽ പ്രായം ചെന്ന യാതൊരു ശാരീരിക പ്രശ്നങ്ങളും ഇല്ലാത്ത ആളുകളെ ധാരാളം കാണാൻ സാധിച്ചു. ഒരു ചെറിയ സിറ്റിയിൽ തന്നെ 10നു  മുകളിൽ ആശുപത്രികൾ നിറഞ്ഞ എന്റെ നാട്ടിൽ നിന്നും ഭൂട്ടാന്റെ  തലസ്ഥാനമായ Thimphu  ൽ എത്തിയപ്പോൾ ആകെ കാണാൻ സാധിച്ചത് ഒരു സർക്കാർ ആശുപത്രി മാത്രം.

Bhutan’s Happiness Theory & Food Culture.

വിഷവിമുക്തമായ 100 %  ശുദ്ധമായ പച്ചക്കറികളും ,പഴവർഗങ്ങളും മറ്റു ഭക്ഷണ പദാർത്ഥങ്ങളും മാത്രമേ ഭൂട്ടാനിൽ ലഭ്യമാകുകയുള്ളു.  Desert കൾ ഇവരുടെ മെനുവിൽ ഇല്ല. ചീസ് , നാടൻ തേൻ , പച്ചക്കറികളും, പഴങ്ങളും  ഉൾപ്പടെ ഉള്ള അരി വിഭവങ്ങൾ ആണ് ഇവരുടെ പ്രധാന ഭക്ഷണം. അരി വിഭങ്ങൾ തന്നെ ഒരു പാട് വ്യത്യസ്തയിൽ ഇവർ ഉണ്ടാക്കുന്നുണ്ട്.

• Boyo Zaw (puffed rice)
•  Zaw (roasted rice)
• Colorful Mekhu (Crispy rice crackers)
• Kabchi (roasted, ground wheat)
• Tengma (roasted, flattened maize

ഇവയൊക്കെ ഭൂട്ടാനി ഭക്ഷണത്തിലെ പ്രധാന വിഭവങ്ങൾ ആണ്. ഇത്തരത്തിൽ ഉള്ള ധാരാളം  അരികളും മറ്റു പലവ്യഞ്ജനങ്ങളും തനി നാടൻ ഭക്ഷ്യ വസ്തുക്കളും Thimphu ലെ  Centenary Farmers Market ൽ  എത്തിയാൽ നമുക്ക് കാണാൻ സാധിക്കും. 

Centenary Farmers Market

ഭൂട്ടാനി ഭക്ഷ്യവസ്തുക്കളുടെ വൈദഗ്ധ്യം മനസിലാക്കാൻ അവരുടെ ലോക്കൽ മാർക്കറ്റിൽ തന്നെ ചെല്ലണം. തലസ്ഥാന നഗരമായ   Thimphu  ലെ പ്രശസ്‌തമായ   Centenary Farmers Market   ഭൂട്ടാനി തനതായ വിഭവങ്ങൾ കർഷകർ നേരിട്ട് പ്രദശിപ്പിക്കുന്ന മാർക്കറ്റ് ആണ്.   Thimphu  ലെ clock tower   ൽ നിന്നും 10 മിനിറ്റ് ഡ്രൈവ് ചെയ്താൽ   Centenary Farmers Market  ൽ എത്തിച്ചേരാം. ഇന്ത്യയിലെ വൃത്തിഹീനവും ,ശബ്ദകോലാഹലങ്ങളും നിറഞ്ഞ ചന്തകൾ കണ്ടു വളർന്നവരെ സംബന്ധിച്ചു  തികച്ചും അത്ഭുതകരമായ കാര്യങ്ങളാണ്   ഇവിടെ  കാണാൻ സാധിക്കുക. ഒരു ചന്തയുടേതായ വൃത്തികേടുകളോ, ഒച്ചപ്പാടുകളോ ദുർഗന്ധമോ ഇല്ലാത്ത പ്രശാന്ത സുന്ദരമായ ഒരു അന്തരീക്ഷം.  സാധനങ്ങൾ വാങ്ങാൻ എത്തുന്നവർ ശാന്തരായി വന്നു അവർക്കു ആവശ്യമായവ മേടിച്ചു കൊണ്ട് പോകുന്നു. വിലപേശലുകൾ ഇല്ല മറ്റു ശബ്ദകോലാഹലങ്ങൾ ഇല്ല , തികച്ചും ശുദ്ധമായ പച്ചക്കറികളും, പഴങ്ങളും കർഷകർ നേരിട്ടെത്തിക്കുന്നു അവ മിതമായ വിലക്ക് വിൽക്കുന്നു.

ഒരു രണ്ടു നില കെട്ടിടം ആണ്   Centenary Farmers Market   ഏകദേശം  400 ഓളം സ്റ്റോറുകൾ  ഉണ്ട്. മാർക്കറ്റിന്റെ ഫസ്റ്റ് ഫ്ലോർ  ഓർഗാനിക് ആയ വസ്തുക്കൾ spices , traditional yeast, local wine , honey ,dry meat, cherry pepper, dried cheese ,dry fruits     മുതലായവ ആണ്.താഴത്തെ നിലയിൽ   വിവിധയിനം അരികൾ മറ്റു പലവ്യഞ്ജങ്ങൾ തുടങ്ങിയ ലഭ്യമാണ്.  Centenary Farmers Market   ന്റെ തൊട്ടടുത്ത് തന്നെ fresh meat&fish ലഭ്യമാണ്. ഭൂട്ടാൻകാരുടെ ഇഷ്ട്ട മാംസാഹാരം  pork ആണ്. കച്ചവടക്കാരിൽ ഏറിയ പങ്കും സ്ത്രീകൾ ആണ്. ഭൂട്ടാനിലെ മിക്ക കുടുംബങ്ങളിലും കച്ചവടങ്ങളും , പണമിടപാടുകളും നടത്തുന്നത് സ്ത്രീകൾ ആണ്. തിരക്കൊഴിവാകുന്ന സമയങ്ങളിൽ കച്ചവടക്കാരും , കർഷകരും വിദേശികൾക്ക് തങ്ങളുടെ കാർഷിക സംസ്ക്കാരത്തെ പറ്റിയും ഭക്ഷണ രീതിയെ പറ്റിയും വിശദീകരിച്ചു കൊടുക്കുന്നുണ്ട്.   വ്യാഴം , വെള്ളി ദിവസങ്ങളിൽ രാജ്യത്തിന്റെ വിവിധ പ്രദേശങ്ങളിൽ നിന്നും നിന്നും ഉള്ള കർഷകർ തങ്ങളുടെ കാർഷിക ഉൽപ്പന്നങ്ങളും ആയി വന്നു ഞായർ വരെ  Centenary Farmers Market  ൽ തമ്പടിക്കുന്നു, ആ  ദിവസങ്ങളിൽ കച്ചവടം പൊടി പൊടിക്കും ധാരാളം  സാധനങ്ങളും  മാർക്കറ്റിൽ ഉണ്ടാകും അത് കൊണ്ട് തന്നെ സഞ്ചാരികൾ ഈ ദിവസങ്ങളിൽ   ഇവിടേയ്ക്ക് എത്തുന്നതായിരിക്കും ഉത്തമം.

Will Bhutan’s Happiness Theory Work in India?

Centenary Farmers Market  പോലുള്ള ലോക്കൽ മാർക്കറ്റുകൾ ഭൂട്ടാനിലെ  മറ്റു നഗരങ്ങളായ Paro, Phuntsholing, Punakha, Tsirang എന്നിവിടങ്ങളിലെല്ലാം ഉണ്ട് പക്ഷെ ഇവിടെ ഒരിടത്തും ഇന്ത്യൻ ലോക്കൽ മാർക്കറ്റുകളിൽ കാണുന്ന വൃത്തിഹീനമായ അന്തരീക്ഷമോ, വിപണന തന്ത്രങ്ങളോ , മായം ചേർക്കലുകളോ ഇല്ല. അധികാരികളും , കർഷകരും ,വ്യാപാര സമൂഹവും , ജനങ്ങളും  ഒത്തൊരുമിച്ചു ശ്രമിച്ചാൽ ഇനിയെങ്കിലും നമുക്കും ഇത്തരത്തിൽ വിഷവിമുകതമായ ഭക്ഷ്യവസ്തുക്കളും മികച്ച അന്തരീക്ഷമുള്ള നാട്ടു ചന്തകളും ഉണ്ടാക്കാൻ സാധിക്കുമെന്ന് പ്രത്യാശിക്കാം.  ഭൂട്ടാൻ എന്ന കൊച്ചു രാജ്യം സന്ദർശിക്കുന്ന ഇന്ത്യൻ യാത്രികർ ഉറപ്പായും  Thimphu   ലെ പ്രശസ്തമായ  Centenary Farmers Market  സന്ദർശനം നടത്തണം , ഒരു പക്ഷെ നിരവധി തിരച്ചറിവുകൾക്കു ആ സന്ദർശനം കാരണം ആയി തീർന്നേക്കാം.